Dako nga bugal sang Dumaraonon ang liwat nga pag-angkon sang award.
Ini nga pagkilala amo ang Gawad Kalasag Seal and Special Award for Excellence in Disaster Risk Reduction and Humanitarian Assistance for CY 2024 by the National Risk Reduction and Management Council.
Sa interview sang Bombo Radyo kay Mayor Matt Hachuela, alkalde sang Dumarao ginpahayag sini nga ang pag-angkon sang award sang ila talatapan ang pinaagi sa pagpatikasog kag dedikasyon sang MDRRMO Dumarao sa wala untat nga pagserbisyo sa ila nga banwa kag ini ang bangud man sa bulig sang mga barangay officials kag mga pumuluyo sa banwa sang Dumarao.
Matandaan nga sang nakaligad nga tuig naangkon man sang ila nga banwa ang kasubong nga award ilabi na sa MDRRMO DUMARAO.
Ang nasambit nga award ang pagbatunon ni Mayor Matt Hachuela kag MDRRMO kag ni OIC-Municipal Administrator of Dumarao Florencio Farinas kag ini ang paghiwaton sa disyembre 11, 2024 sa syudad sang Iloilo.
