ROXAS CITY – Ginkumpirmar sang isa ka stall owner sa meat section sang Teodoro Arcenas Trade Center (TATC) nga sumugod sang napablita nga may suspected case pa lamang sang African Swine Fever (ASF) ang probinsya sang Iloilo, nagpatigayon na sila sag pagsinapol agud kasugtanan ang paglikaw sa pagbakal sang karne sang baboy sa nasambit nga probinsya.
Ini ang ginpahayag ni Punong Barangay Roberto Ross ‘Mao’ Roldan, may puwesto sa meat section, sang mainterview sang Bombo Radyo.
Suno diri, ginhinalaan nila nga mga vendors nga diri nalang sa Capiz magbakal sang karne sang baboy agud masiguro nga hilway sa nasambit nga virus sa mga baboy.
Ginpasiguro man ni Roldan nga apisar diri lang sa Capiz makuha ang mga manugbaligya sang karne sang baboy, bastante ang suplay dir tubtob sa Disyembre, magluwas lang kun mag-deliver pa kita sa iban nga lugar.
Panawagan sang mga asosasyon sang meat vendors sa TATC nga sa karon nga positibo sang ASF sa Iloilo, kinahanglan nga hugton sang aton provincial government ang pagbantay sa mga borders agud indi kita malusutan sang nasambit nga virus sa mga baboy.
