Limitahan na sang Pentagon ang paghulag sang mga mamamahayag sa sulod sang ila mga opisina, ilabi na sa mga secured nga pasilidad.
Ini matapos ang serye sang ginreport nga mga leaks.
Sa isa ka post sa social media, gin-anunsyo ni US Defense Secretary Pete Hegseth nga indi na nila pagtugutan ang mga mamamahayag nga makasulod sa ila secure nga mga pasilidad.
Ginpahanumdom sang Pentagon ang mga mamamahayag nga dapat nila sundon ang mga pagsulundan sang ila talatapan, ilabi na angut sa pagpaguwa sang indi otorisado nga impormasyon.
Ginhatagan pagtamod ni Sec. Pete Hegseth nga ang Pentagon ginapadalagan sang mga tawo nga nagatrabaho kag indi sang media, gani dapat sundon nila ang ginapatuman nga polisa.
Sa pihak sang bag-o nga mga pagdumili nga ginapatuman, ang Department of War nagapabilin nga komitido sa transparency agud mapabilin ang pagsalig sang publiko apang kinahanglan nga ang impormasyon nga ginpaguwa sa publiko opisyal nga awtorisado.
