Liwat nga nagpanawagan si Senator Erwin Tulfo nga ipasar gilayon ang “Media Workers’ Magna Carta” matapos ang shooting incident sa senado sang Mayo 13 nga nag-apekto sa mga mamamahayag nga naga-cover sa Senado.
Suno kay Sen. Tulfo, ginlaragway sini ang delikado nga sitwasyon sang mga media workers nga padayon nga naga-atubang sang risgo sa pihak sang kakulang sang benepisyo kag proteksyon sa trabaho.
Ginpahayag man ni Tulfo nga importante ang papel sang media sa paghatag sang impormasyon kag pagdokumento sang mga insidente may kaangtanan sa kalakasan kag operasyon sang mga otoridad.
Dugang pa sang senador, kalabanan sa mga apektado amo ang mga Senate beat reporters nga indi sanay sa pag-cover sang armado nga engkwentro sa sulod sang senado.
Bangud sini, ginaduso niya ang pagpasar sang Senate Bill No.249 nga gilayon nga magahatag sang mas maayo nga sweldo, hazard allowances, insurance benefits kag job security para sa mga media workers sa pungsod.
