ROXAS CITY – Ginpasakaan na sang panumbungon ang mag-amay nga media practitioner kasunod sang mga reklamo batuk sa ila.
Nagapangatubang sang panumbungon nga alarm and scandal through illegal discharge of firearms kag disobedience and resistance upon an agent or person in authority si Roberto April Gonzales alyas Wepol samtang obstruction of Justice naman ang ginapangatubang sang amay nga si Roberto Gonzales, residente sang Graceville Subdivision, Barangay Tiza, Roxas City.
Nagapabilin sa gihapon sa karsel sang Roxas City PNP ang mag-amay nga Gonzales.
Matandaan nga gindala sa istasyon sang pulisya ang duha matapos ginreklamo nga nagpalupok sang armas SI Wepol nga nakatublag sa ila mga kasilingan.
Narekober sang kapulisan sa lugar ang lima ka basiyo sang armas nga ginaalegar gingamit sa pagpalupok sang pusil.
