CAPIZ – Nagpahanumdom ang Capiz Provincial Health Office sa publiko nga indi pagkalimtan nga atipanon ang mental health sa pihak sang kasadya kag masako nga holiday season.
Sa interview sang Bombo Radyo kay Provincial Health Officer II Dr. Alex Nolasco, iya ginpahayag nga importante ang paghatag igtalupangod sa kaugalingon nga balatyagon, kag pagpakig-istorya sa pamilya ukon abyan kun makabatyag sang kasubo.
Suno kay Dr. Nolasco, maghimo sang simple nga butang nga makapalipay sa imo, hatagan ang kaugalingon sang insakto nga pahuway, kag regular nga ehersisyo agud mapabilin nga maayo ang mental health.
Dugang pa sang natungdan, ang pagpangayo sang bulig nagikan sa mga eksperto sa mental health kaangay sang mga psychologist ukon counselor, ang indi dapat pag-ikahuya.
