Medical health workers nga nabakunahan sang 1ST dose sang sinovac vaccine, nabakunahan na sang ila nga 2nd dose

Kapin sa 974 ka mga medical health workers sa gobyerno kag pribado nga ospital ang nabakunahan na sang 2^nd dose sang Sinovac vaccine.

Ginpahayag ni Mr. Joeffrey Espiritu, Development Management Officer IV kag Public Information Officer sang Department of Health-Capiz nga nagsugod ang pagbakuna sa 2^nd dose sang COVID-19 vaccine sang Abril 7 kag nagapadayon tobtob malab-ot ang target nga 2,786.

Sa mga nabakunahan na sang 2^nd dose sang Sinovac vaccine nga mga health workers, apat ang ginreport nga nakabatyag sang mild reaction.

Samtang suno kay Espiritu nga may 136 ka indibidwal ang nabakunahan sang 1^st dose sang AstraZeneca.

Sa pagpangusisa sang talatapan, wala sang nagpa-record nga nagsuprer sang adverse reaction gikan sa mga nabakunahan sang AstraZeneca.

Ginkumpirma man ni Espiritu nga may kaupod sila sa DOH-Capiz nga nagpositibo sa COVID-19 apang na-isolate na ini karon sa isa ka facilidad.