Megastar Sharon Cuneta, nagpaidalum sa medical procedure sa Singapore

Nagbiyahe si Megastar Sharon Cuneta sa Singapore agud magpaidalom sa medical procedure may kaangtanan sa iya spine.

Sa iya post sa social media, ginpakigbahin sini nga yara siya sa ospital sa Singapore bangud sa medical reasons, kag indi bangud sa vlogging.

Suno sa iya, halos duha ka tuig na niya nga ginaantos ang kasakit sa iya tuo nga balikawang kag batiis.

Dugang pa ni Sharon, magabalik siya sa Singapore para sa dugang nga medical tests agud ma-ayo ang iya liog.

Naghatag man ini sang mensahe sa publiko kag sa iya mga fans nga kilala bilang mga Sharonians.

Sa subong, padayon ang iya recovery kag ginpasalig ni Sharon nga amat-amat na ini nga naga-ayo.