MANILA, Philippines – Pormal nga nanumpa si Mel Senen Sarmiento bilang bag-o nga presidential peace adviser, reconciliation and unity (Opapru) ni President Ferdinand Marcos Jr. sa Malacañang.
Si Sarmiento ang magabulos kay Carlito Galvez Jr., nga naghalin sa pwesto sa rason nga gusto niya agud makaupod ang iya pamilya.
Bilang presidential peace adviser ang pagkasugtanay kag paghiliusa, ang nagapanguna nga iya prioridad ang pagpauswag sang inisyatibo sa kalinong, pagpabaskog sang colaboration upod ang mga stakeholders.
Nagserbisyo si Sarmiento siya bilang anay sekretaryo sang Department of the Interior and Local Government (DILG), sa administrasyon ni Aquino, anay kongresista sang Samar 1st District, kag anay alkalde sang Calbayog City sa sulod sang tatlo ka termino.
Lakip sa award nga nabaton niya ang Order of Lakandula kag ang Order of Sikatuna nga gin award sang gobyerno bangod sa iya serbisyo sa publiko.
Nahibaluan nga ang Opapru isa ka ahensya nga nakatutok sa pagpatuman sang mga programa sang kalinong kag paghiliusa sa pungsod, nga labi nga ginpabaskog sang mga nagligad nga administrasyon agud masabat ang mga isyu sa mga komunidad nga apektado sang inaway.
