Ginakabig sang isa ka opisyal sang barangay nga isa ka maayo nga kasuguan ang ginpaguwa nga Memorandum Circular No. 2026-009 sang Department of the Interior and Local Government (DILG) ukon ang “Encouraging the Enactment of Local Ordinances for Safer Cities: A Call to Actions for Local Government Units” agud nga mas mangin matawhay ang isa ka komunidad.
Sa interview sang Bombo Radyo kay Punong Barangay Joelito Aguil, sang Barangay II, Roxas City, iya ginpahayag nga manami ang amo nga programa agud nga mas mangin organisado ang mga pumuluyo.
Suno kay Aguil, kasunod sang pagapanaog sang DILG sa amo nga kasuguan, gilayon ini nga nagpatawag sang pagsinapol kaupod ang iban pa nga mga opisyal kag iban pa nga mga natungdan agud mapatuman sang husto ang amo nga mandatu.
Pahayag niya, may yara sila sang may nasaway nga mga pamatan-on nga nagalakat sa dalan nga wala sang bayo kag may yara man sila sang may nasaway nga pumuluyo nga nagaginahod pa nga lapaw n alas 10:00 sang gab-i.
Nahibaluan nga amo ang kasuguan ang ginpaguwa sang DILG sang Abril 8, 2026 pamaagi kay Sec. Jonvic Remulla.
Nagapanawagan naman ang natungdan sa mga pumuluyo sini nga nasakupan nga magkooperar kag magsunod sa amo nga mandato agud makalikaw sa kun ano nga mga penalidad.
