Menor de-edad nag-angkon sang menor nga pilas matapos nga nadulaan sang kontrol sa pagmaneho sang motorsiklo

ROXAS CITY – Nag-angkon sang menor nga pilas ang isa ka menor de edad nga babayi matapos nga ginaalegar nadulaan sang kontrol sa ginamaneho nga motorsiklo sa takason nga dalan sang sitio Sumiga, Barangay Milibili, Roxas City.

Mahibaluan nga samtang ginasubay sang biktima ang dalanon sang amo nga barangay sang hinali na lang nga napatay ang makina sang iya motorsiklo kag nagpundo sa takason nga bahin sang karsada.

Bangud diri, nadulaan sang panglibutanon ang biktima nga gilayon naman nga gindapatan sang pagbulong sang katapo sang Capiz Emergency Response Team.

Magapadulong kuntani ang biktima sa merkado publiko sang natabo ang aksidente.