-- ADVERTISEMENT --
PILAR CAPIZ – Yara na sa istable nga kondisyon ang menor de edad nga lalaki, matapos aksidente nga mabungguan sang ambulansya sa bahin sang National Highway sang Barangay Dulangan, Pilar Capiz.
Sa interview sang Bombo Radyo sa Chief Investigator sang Pilar Municipal Police Station nga si PSSG. Anilo Patricio ginpahayag sini nga nagapabilin sa gihapon sa isa ka pribado nga ospital ang biktima.
Matandaan nga ang wala na ginhingadlan nga biktima ang nagapang-edaron sang 12-anyos, kag residente sang Barangay Agtalin sa amu nga lugar samtang ang drivet naman sang ambulansya ang ginkilala kay alyas “Arnold”, 55-anyos kag residente sang Barangay Dulangan sa amu nga banwa.
Suno kay Patricio nakaguha naman sa karsel ang suspek matapos nga nagtakop ang reglementary period sini.
Mahibaluan nga nag-angkon sang pilas sa magkatuhay nga parte sang lawas ang biktima matapos aksidente nga mabungguan sang ambulansya samtang nagatabok sa dalan.
Ginpahayag man sang chief investigator nga nagpromisa ang suspek nga pagasabton ang tanan nga balayaran sa ospital sang biktima.
