PRES. ROXAS, CAPIZ – Pilason ang driver sang Yamaha Mio nga motorsiklo nga naka-side swipe sa menor de-edad sa Barangay Viscaya, President Roxas, Capiz.
Base sa inisyal nga imbestiagsyon sang President Roxas, PNP nga nagasundanay ang Honda XRM nga motorsiklo ni Basty Villariña, 15-anyos sang nasambit nga lugar kag motorsiklo ni Renato Dellero Jr., 45-anyos sang Barangay Lantangan, Pontevedra, Capiz.
Mahibaluan nga samtang ginasubay sang biktima ang dalanon sakay sa iya nga motorsiklo aksidente na lamang ini na-side swipe sang motorsiklo ni Dellero nga magaliko na kuntani sa isa ka gasoline station para magpatughong.
Bangud sa mabaskog nga impact sang pagkabunggo natumba ang duha ka motorsiklos sang duha.
Nag-angkon naman sang pilas sa lawas ang duha ka nasambit nga driver.
Madasig naman nga nagresponde ang ambulansya sa lugar kag gilayon nga gindapatan sang nagakaigo nga pagbulong ang duha ka mga napilasan nga persona.
Samtang, nagapadayon naman ang imbestigasyon sang mga kapulisan sa nagluntad nga aksidente.
