Menor de edad nga ginaalegar naghimulos kag nagmolestiya sa pito katuig nga bata yara na sa kustodiya sang Roxas City Crisis Center

ROXAS CITY – Yara na sa kustodiya sang mga otoridad ang 17-anyos nga solterito nga ginaalegar naghimulos kag nagmolestiya sa pito katuig nga bata matapos nga boluntaryo nga ginsurrender sang iya mga ginikanan sa Roxas City Police Station.

Apang, nagapati ang pamilya sang wala na ginhingadlan nga menor de edad nga wala sang kamatuoran ang alegasyon batuk sa ila himata.

Nahibaluan nga ginareklamo si alyas Toto sang pamilya sang pito katuig sini nga gumangkon matapos nga ginaalegar ginhimuslan kag ginmolestiya niya ini.

Sa karon, nagapabilin naman sa kustodiya sang Roxas City Crisis Center ukon Puloy-an sang Pagpalangga si alyas Toto samtang ginahulat pa ang resulta sang medical examination sang pito katuig sini nga gumangkon.