Nagapabilin pa sa karon sa Dao District hospital ang isa ka menor de edad matapos ang ginpahayag ginlabo sa Barangay Poblacion Ilaya, Dumarao, Capiz.
Ginkilala ang biktima kay alyas “Junjun” kag residente sa amu man nga lugar.
Sa interview sang Bombo Radyo kay PMAJ. Tobias Garfin, hepe sang Dumarao PNP ginpahayag nga takna alas 10 sang gab e kahapon nga adlaw, samtang naga roving ang patrol sang kapulisan nanotisyaran nila si alyas “junjun” nga yara sa impluwensya sang makahulubog nga ilimnon rason nga ila ini nga gin dul-ong papauli sa ila nga balay, apang makaligad lamang ang pila ka minutos nagbalik naman ini sa carwash vendo kag didto tuyo kun tani nga kawaton ang unod sini.
Apang suno diri nga nakit-an sang tag iya rason nga gina-alegar ginbuno ini.
Nag angkon sang pilas sa butkon ang biktima nga madasig naman nga gindala sa hospital.
Sa karon padayon pa ang imbestigasyon sang katapo sang Dumarao MPS angut sa nasambit nga insedente.
