-- ADVERTISEMENT --
ROXAS CITY – Pilas kag gasgas sa magkatuhay nga parte sang lawas ang naangkon sang isa ka menor de edad nga lalaki, matapos maaksidente sa Poblacion Ilaya, banwa sang Dao.
Ang indi na paghingadlan nga biktima ang nagapang-edaron sang 16-anyos.
Sandig sa inisyal nga imbestigasyon sang katapo sang Dao MPS, alas-9:10 kagab-i, samtang ginasubay sang menor de edad nga driver sang Kawasaki Fury 125 nga motorsiklo ang nasambit nga dalan, hinali ini nadulaan sang kontrol sa manubela rason sang iya pagkatumba.
Wala man ginpahayag kun nakainom sang makahulubog nga ilimnon ukon wala, ang biktima.
Ginpadulongan ini sang Dao Emergency Response Unit (DERU) kag gindapatan sang pagbulong antes ginpadangat sa Dao District Hospital.
-- ADVERTISEMENT --
