Arestado ang isa menor de edad matapos makuhaan sang Closed-Circuit Television nga nagapangbuno sang ice pick sa Rizal Street, Roxas City.
Ang menor de edad amo si alyas Toto 15-anyos kag ginapatihan nga taga lloilo.
Sa interview sang Bombo Radyo kay Police Lieutenant Colonel Donnel Regis,Hepe sang Roxas Component City Police Station, iya ginpahayag nga ang arestado ang may record man sang kinawatay kag iban pa nga mga illegal nga aktibidad sa syudad.
Gin-athag man ni Regis, nga indi badjao ang arestado baliskad sa mga post sa social media, kag basi sa pahayag sang subject naga-upod ini sa grupo sang mga Ati nga naga-libot sa syudad agud makapanglimos
Nagpanugyan man ini sa publiko nga mag-report sa kapulisan kaangot sa kaangay insidente antes mag-post sa social media agud gilayon nga mahatagan sang atensyon sang mga otoridad.
