Patay ang isa ka menor de edad nga babaye matapos ginaalegar nakuryente sa live wire nga gin-angut sa barbed wire nga kudal sang isa ka propedad sa Barangay Dumolog, Roxas City
Ang biktima amo si alyas “Angel” kag residente sang New Road, Banica,Roxas City.
Sandig sa impormasyon nga nakuha sang Bombo RAdyo sa awtoridad, nahibaluan nga nagsandig kag nagpahuway- huway lang ang biktima bangud sa kakapoy matapos mag jogging apang sa wala ginalauman , hinali lang ini nga nagkurog sa guinapungkuan nga semento.
Dugang pa, wala sang warning ukon patimaan man lang ang pagpahamtang sang live wire sa barbed wire nga kudal nga mahimo kuntani nakatapna sa insidente.
Nakit-an nalang nila ang biktima nga gapanggit-om na, nagapilit sa wire kag wala na sang kabuhi.
Suno sa mga himata sang biktima nga naglisensya pa ini sa iya iloy nga makadto sa baybay agud mag-jogging.
