-- ADVERTISEMENT --
DAO, CAPIZ – Patay ang isa ka menor de edad nga lalaki matapos malumos sa ginapaliguan nga suba sa Sitio Balud, Barangay Duyoc, Dao, Capiz.
Ang wala na ginhingadlan nga biktima ang residente man sang nasambit nga lugar.
Mahibaluan nga may pila ka mga kaupdanan ang biktima nga nagpaligo sa nasambit nga suba samtang nagapanglaba ang ila nga tiya.
Magatakas na kuntani ang biktima gikan sa amo nga suba sang nadanlog ini kag gin-anod sang mabaskog nga current sang tubig.
Una nga na-rescue ang pila ka mga kaupdanan sini kag nadugayan pa antes nakit-an ang napatay nga biktima.
-- ADVERTISEMENT --
Gintestingan pa ini nga ma-revive antes gindala sa ospital apang gindeklarar nga dead on arrival.
https://img.bomboradyo.com/roxas/2020/04/91502313_846648785808976_1899296939871043584_n.jpg
