ROXAS CITY – Pilason ang isa ka menor de edad matapos ang nagluntad nga aksidente sa Arnaldo Boulevard, Barangay Baybay, Roxas City.
Sandig sa imbestigasyon sang Roxas City Police Station nga magatuyo kun tani nga mag-U-Turn ang Hyundai Accent nga salakyan nga ginamaneho ni Leny Dante Benliro, 70 anyos nga residente man sang nasambit nga lugar sang aksidente nga bumunggo ang motorsiklo nga ginamaneho sang isa ka 16 anyos nga lalaki.
Matapos bumunggo sa nasambit nga salakyan, nadulaan ini sang kontrol sa pagmaneho kag bumunggo pa gid sa isa ka Mitsubishi Montero sa pihak nga lane sang karsada nga ginamaneho ni Niel Diestro sang Barangay Banica sining syudad.
Madasig naman nga gindapatan sang first aid sang mga responders sang Roxas City Emergency Response Team (RCERT) ang amu nga biktima apag nagpamalibad na lamang nga magpadulong sa ospital. Nagapadayon pa ang imbestigasyon sang mga kapulisan angut sa nagluntad nga aksidente.
