ROXAS CITY – Pilas sa magkatuhay nga parte sang lawas ang naangkon sang isa ka 13-anyos nga lalaki, matapos naaksidente sa ginamaneho sini nga motorsiklo sa Barangay Salocon, Panitan, Capiz takna alas 8:00 sang aga kahapon Oktobre 2, 2023.
Sa impormasyon nga nakuha sang Bombo Radyo nagikan sa Municipal Disaster Risk Reduction and Management Office (MDRRMO) Panitan, ginpahayag nga nagikan ang biktima sa ila ulumhan kag magapauli kun tani agud magkuha sang pamahaw sang natabo ang insidente.
Ginapahayag man nga madasig ang pagpadalagan sini kag hinali na lamang nga nagpreno, rason nga masobra tatlo ka metros ang iya gin-apukan.
Bangud sa natabo, nag-angkon sang pilas sa nawong kag iban nga bahin sang lawas ang biktima nga madasig naman ginrespondihan sang katapo sang MDRRMO Panitan agud dapatan sang pauna nga pagbulong antes ginpadangat sa ospital para sa nagakaigo nga pagbulong.
