-- ADVERTISEMENT --
ROXAS CITY – Pilason ang isa ka menor de edad matapos nga ginaalegar bumunggo ang ginamaneho nga motorsiklo sa jeep sa Barangay Loctugan, Roxas City.
Sandig sa inisyal nga imbestigasyon sang Roxas City PNP nga samtang ginasubay ni Arnold Vista 50-anyos ang nasambit nga dalanon aksidente na lamang nga ginbungguan sang motorsiklo sang wala na ginhingadlan nga menor edad ang natuo nga porsyon sang iya ginamaneho nga jeep.
Bangud diri, nag-angkon sang pilas sa ulo kag pila ka mga porsyon sa lawas ang nasambit nga menor de edad.
Gilayon naman nga gindala sa ospital sang nagresponde nga Capiz Emergency Response Team ukon CERT ang menor de edad para sa nagakaigo nga pagbulong.
