Menor de edad pilason matapos nga ginaalegar nga na hit and run sang wala matumod nga driver sang tricycle

ROXAS CITY – Padayon sa karon nga ginabulong sa ospital ang isa ka menor de edad nga ginaalegar na hit and run sa Barangay Milibili, Roxas City.

Base sa inisyal nga imbestigasyon sang Roxas City Police Station nga samtang nagabisikleta ang 13-anyos nga biktima pakadto kuntani sa Barangay Bato sang aksidente na lamang ini nga nabungguan sang wala matumod nga driver sang tricycle rason nga natumba ini sa iya bisikleta kag nag-angkon sang pilas sa lawas nga gilayon naman nga gindala sa ospital agud dapatan sang nagakaigo nga pagbulong.

Padayon naman ang imbestigasyon sang mga otoridad agud matumod ang driver nga responsable sa nasambit nga insidente.