ROXAS CITY-Pilason ang menor de edad matapos nga aksidente nga mabungguan ang ginasundan nga tricycle sa Barangay Vizcaya, President Roxas Capiz.
Sa inisyal nga imbestigasyon sang President Roxas Municipal Police Station nagaguwa nga samtang ginasubay sang tricycle ang dalan padulong sa Bailan District Hospital sakay ang driver nga ginkilala nga si Resty Brigado residente sang Barangay Cayus, Pilar Capiz, aksidente ini nga nabungguan sang nagasunod sa iya nga motorsiklo nga ginamaneho sang isa ka menor de edad nga residente sang Barangay Banate banwa sang Pontevedra.
Bangud sa kabaskogon sang bungguanay, ginapahayag nga tumabog ang menor de edad sa dalan.//
Nakaangkon sang pilas sa magkatuhay nga porsyon sa kalawasan ang menor de edad nga gindala sa Bailan District Hospital apang ginsaylo sa Roxas Memorial Provincial Hospital.
Namutikan nga yara sa impluwensiya sang makahulubog nga ilimnon ang nasambit nga menor de edad.
