Roxas City – Nagparekord sa Roxas City PNP ang isa ka 36 anyos nga assistance branch manager matapos ginaalegar naipit ang kamot sang isa ka menor de edad sa pirtahan sang isa ka remittance center sa siyudad sang Roxas.
Suno kay Nomer Diaz, 36 anyos sang Barangay Tanza Gua sining siyudad nga maga-withdraw kuntani sang kuwarta ang mag-amay sa amo nga remittance center sang hinali na lamang nagpangayo sang bulig ang menor de edad sa iya amay matapos nga naipit ang tudlo sini sa pirtahan.
Gilayon man nga ginbuligan sang amay ang iya sini anak apang aksidente man sini nga nabuka ang window glass sang amo nga remmittance center rason nga nag-angkon ini sang pilas sa kamot subongman ang kamot sang iya anak.
Bangud diri, ginpakamaayo na lamang sang mag-amay nga ipa-rekord sa pulisya ang insidente.
