ROXAS CITY – Pilas ang naangkon sang isa merchandiser, matapos ginbuno sang mangingisda sa Poblacion, Barangay Culasi, Roxas City.
Ginkilala ang biktima kay Jayven Reyes 37-anyos samtang ang ginapahayag suspek ang ginkilala kay Roger Valderaz 35-anyos nga lunsay mga residente sang nasambit nga lugar.
Sa impormasyon nga nakuha sang Bombo Radyo sa Capiz Maritime Police Station, ginapahayag nga gin-ulaan sang mainit nga sabaw sa nawong sang suspek ang biktima matapos nga ginbalibaran sini ang gintan-ay nga pagtagay sang makahulubog nga ilimnon.
Bangud sini, may nagluntad nga komosyon sa tunga sang biktima kag suspek matapos nga ginkompronta sang biktima ang suspek.
Gilayon naman nga ginbuno sang suspek ang biktima nga nag-angkon sang pilas sa nawong kag iban pa nga parte sang iya lawas.
Madasig naman nga ginpadangat sa Roxas Memorial Provincial Hospital ang biktima para sa nagakaigo nga pagbulong.
Samtang yara sa kustodiya sang Capiz MARPSTA ang suspek para sa nagakaigo nga disposisyon.
