Ginkwestyon ni Senator-Judge Imee Marcos si former Commission on Audit (COA) auditor kag testigo nga si Atty. Roderick Wamil kun may yara bala sang report ang COA nga direkta nagasiling nga “ginkawat” ang confidential funds sang Office of the Vice President.
Sa iya sabat, ginpahayag ni Wamil nga wala man gin-gamit sang COA reports ang amo nga tinaga.
Apang suno sa iya, ang Joint Circular nga amo ang basehan sa paggamit sang confidential funds nagahatag sang prima facie presumption nga ang pondo sang gobyerno mahimo gin-gamit para sa personal nga benepisyo kun wala nasunod ang ginapatuman nga mga pagsulondan.
Ginpahayag ni Wamil nga ang isyu wala naga-base lamang sa tinaga nga “ginkawat” sa baylo sa pagsunod sa mga requirement kag proseso nga ginbutang sa Joint Circular agud masiguro nga ang paggamit sang confidential funds may yara sang nagakaigo nga dokumentasyon kag legal nga basehan.
