Arestado ang isa ka lalaki nga messenger matapos kulang ang gindeposito sa bangko nga P200,000 kuntani nga ginpapalihog sa iya sang iya upod sa trabaho sa Quezon City.
Ang P150,000, ginbayad sini sa iya nga utang matapos mapyerde sa online sugal.
Nagguwa sa imbestigasyon nga personal nga kwarta sang biktima ang ginpapalihog sini nga i-deposit.
Sang na-deposit na, ginhulat siya sang complainant para magbalik, apang wala na nakabalik pa ang messenger.
Suno kay Police Lieutenant Juan Solares, Chief Intel sang QCPD Station 12, nagpangayo sang bulig ang biktima sa kapulisan kag ginkadtoan ang balay sang suspek sa diin may yara sang komprontasyon nga natabo.
Ginpresentar sang messenger ang transaction slip sa diin P50,000 lang ang na-deposit nga kwarta sa bangko.
Gin-ako man sang suspek nga ang P150,000 ang ginbayad niya sa iya personal nga utang bangud sa dako nga kapyerdihan sa online sugal.
