Ginpasalig sang Metro Roxas Water District nga bastante ang ila supply sang tubig kag stable ang serbisyo para sa mga konsumidor subong nga bermonths.
Sa interview sang Bombo Radyo kay Mark Vincent Bernas, spokesperson sang Metro Roxas Water District, iya ginpahayag nga bastante ang supply sang tubig sa ila mga water plant kag sarang ini maka-akomodar sa mga konsumidor.
Suno kay Bernas, stable man ang ila mga water connection kag padayon nga ginabantayan ang suplay sang tubig sa mga konsumidor.
Dugang pa sang natungdan, nagadugang ang water demand kun summer bangud mas madamo ang naga gamit sang tubig, samtang naganubo naman ini kon rainy season.
Ginpahayag man sini nga ang isa sa mga posible nga makaapekto sa water supply amo ang typhoon ukon bagyo, ilabi na kon magresulta ini sa pagbaha.
