Nagapabilin nga world champion si WBO junior lightweight champion Emanuel Navarrete matapos patumbahin sini ang kapareho nga Mexican boxer nga si Oscar Valdez sa ikaanom nga round sang ila nga all-Mexican rematch kahapon nga adlaw sang Dominggo. Apisar nga natapos ang hampang sa isa ka stoppage loss, ginpakita ni Valdez ang kaisog kag kahandaan nga makigsabayan nga nangin rason sang iya nga kadalag-an bilang anay two-division champion.
Ginpatumba si Valdez sang isa ka malip-ot nga right hand sa una nga round sang inumol ni Navarrete nga nagresulta sang matalom nga left hook, kag nagdesisyon si Valdez nga mag-crouch sa manubo nga posisyon para likawan ang mga masunod nga inumol ni Navarrete gani nahatagan ini sang kahigayunan sa ring.
Sa pihak sang timprano nga kapiyerdehan, nagpakita si Valdez sang kaisog kag gintestingan nga himuon nga mas agresibo ang sambuwa sa ikaduha nga round, kun sa diin nagmadinalg-on ini sa pila ka magkasunod nga right hands. Apang wala nagdugay, nagsugod na nga magplastar si Navarrete sang iya nga mabaskog nga left hooks kag ginpabalik si Valdez sa defensive mode.
Ang mga una nga rounds ang nagpakita sang maayo nga sambuwa, kun sa diin ginhatag ni Valdez ang tanan nga iya masarangan agud magmadinalag-on, apang mas klaro nga apektado ini sang mga power punches ni Navarrete nga nagbalik sa iya.
Ang pangaduwa nga knockdown gikan kay Navarrete ang natabo sa ulihi nga segundo sang Round 4, apisar nagpanginwala si Valdez kag ginsiling nga wala ini natumba. Ginpahayag man sang iya nga corner nga nag-angkon sang injury sa tiil si Valdez sa mga una nga round sang sambuwa, nga nangin rason sang kabudlay sa iya samtang nagadugay pa ang hampang.
Ang ulihi nga knockdown ang natabo sa Round 6 halin sa isa ka mabaskog nga body shot ni Navarrete. Indi pareho sang mga nakaligad nga knockdowns, wala na nakaplastar pa si Valdez gikan sa body shot nga ini. Naglab-ot ini sa isa ka round kun sa diin ginkastigo ni Navarrete si Valdez sang mga power shots sa ulo, nga nagtuga sang pagtaas sang depensa ni Valdez, gani na-expose ang iya nga atay sa isa ka makusog nga liver shot.
