Nagalaum ang mga fans sang Team Mexico nga maga-abante pa sa mas mataas nga lebel sang FIFA World Cup 2026 ang ila nga koponan matapos ini magdaug batok sa South Korea sa score nga 1-0 .
Suno kay Bombo Ivan Marino, International Correspondent direkta sa Mexico, indi mapunggan ang kusog sang paghinugyaw kag selebrasyon sang mga fans sang makuh sang Team Mexico ang nagaisahanon nga goal nga amo ang naghatag sa ila sang kadalag-an, apisar sang mabaskog nga depensa sang kasumpong.
Dugang pa niya, nangin makasaysayan ang hitabo para sa mga supporters rason nga nagdugok ang mga ini sa mga pampubliko nga lugar agud magselebrar nga may bitbit nga bandera sang Mexico kag nagapakita sang ila bug-os nga suporta sa National Team.
Apang, mabug-at pa ang mga masunod nga match ang pagaatubangon sang grupo samtang nagahilapit ang elimination round, gani kinahanglan nga dugangan pa sang Team Mexico ang ila kusog kag disiplina agud masiguro ang puwesto sa mas mataas nga lebel sang torneo.
