Sold-out na ang mga ticket kag fully booked na ang mga hotel sa Mexico kasunod sa nagahilapit nga 2026 FIFA World Cup nga amo ang host countries sang torneo nga maga-umpisa sa June 11, 2026.
Sa interview sang Bombo Radyo kay Bombo Ira Tan, international correspondent sa Mexico, iya ginpahayag nga plastado na ang Azteca Stadium sa diin natapos na ang renovation kag modernization sini.
Suno kay Tan, bilang preparasyon ginkaayo ang mga dalanon nga malapit sa venue.
Ginalauman nga yara sa masobra 80,000 magatambaong sa FIFA 2026.
Nahibaluan nga ang Estadio Azteca amo ang una nga stadium sa maragtas nga nag-host sang tatlo ka FIFA World Cup sa 1970 FIFA World Cup, 1986 FIFA World Cup, kag ang subong nga 2026 FIFA World Cup.
Ang mga sikat nga mga humalampang sang football nga sanday Pelé kag Diego Maradona naghampang man sang ila makasaysayan nga mga hampang sa World Cup sa amo nga venue.
Balantayan naman ang hampang sa opening match sang Mexico kag South Africa sa June 11.
