MANILA — Yara sa “wait and see” mode ang depensa ni Vice President Sara Duterte matapos ginpasa sang Korte Suprema ang desisyon nga ang impeachment batok sa iya ang indi konstitusyonal. Suno sa pila ka mga pahayag, handa sila nga atubangon ang mga alegasyon batok sa iya sa lain nga forum kun kinahanglanon.
Ginsiling ni Atty. Michael Poa, tigpamaba sang depensa, nga ginabaton nila ang desisyon sang Korte Suprema nga nagapabakod sa ila nga posisyon batok sa impeachment complaint—ang ika-apat nga kaso nga gin-file kag ginpadala sa Senado para sa hearing.
Gin-ako sini nga mahimo pa nga mag-file sang Kamara sang motion for reconsideration hanungod sa desisyon sang Korte nga nagasiling ginlapas sang impeachment complaint ang pagbawal sa Saligang Batas nga maglunsyar sang masobra sa isa ka proseso batuk sa pareho nga opisyal sa sulod sang isa ka-tuig.
Dugang pa sinni, ang mga abogado naka-standby man para sa mangin tikang sang Senado, nga nag-umpisa na nga magtipon bilang impeachment court, may kaangtanan sa desisyon sang Korte Suprema.
Nagkalain-lain nga reaksyon ang ginpalab-ot sang mga mamalidha sa desisyon sang Korte Suprema kag suno pa kay Poa, nga kinahanglon i-respeto ang opinion sang tagsa-tagsa.
