ROXAS CITY – Nagpauli nga malipayon ang napulo ka mga winners sa activation draw sang Buena Mano Salvo Year 15 Promo sang nagligad nga Sabado nga adlaw matapos nga ila na nga nabaton ang nadag-an nga premyo.
Nakabaton sang tag P1,000 nga cash ang napulo ka maswerte nga entry senders nga sanday Carmelita Duran sang Barangay Bonga, Mambusao, Capiz, Alicia Ronden sang Mianay, Ivisan, Capiz, Ethel Balbona sang Punta Libas, Roxas City, Charito Casiple sang Barangay Milibili, Roxas City, Jose Nalica sang Purok 1, Barangay Libas, Roxas City, Vicencio Bullos sang Pook Culasi, Roxas City,Mariano Daria sang Kalipayan St., Roxas City, Cherry Bullos sang Pook Culasi, Roxas City, Fatima Zaldivar sang Barangay Timpas, Panit-an, Capiz kag Lykha Rem Boloma sang Barangay Libas, Roxas City.
Suno kay Charito Casiple nga daku ang mabulig sa nadag-an nga isa ka libo ka pesos bangud gamiton niya ini sa pagbakal sang dugang nga mga Proofs of Purchase para liwat nga makapasakup sa promo.
