-- ADVERTISEMENT --
Nangin masadya ang nagkalain-lain nga mga aktibidad sa Barangay Baybay, Roxas City, bilang kabahin sang selebrasyon sang Kapistahan ni San Juan Bautista subong nga adlaw.
Sa interview sang Bombo Radyo kay Punong Barangay Erwin B. Oroceo, iya ginpahayag nga isa sa mga pinaka-highlight sang selebrasyon amo ang Fluvial Parade nga ginpartisiparan sang madamo nga pumuluyo.
Suno kay Oroceo, ginpanginbulahan nila nga nangin matawhay, organisado kag luwas ang tanan nga mga aktibidad para sa mga partisipante kag mga bisita.
Dugang pa sini pinaagi sa nagkalain-lain nga programa magapadayon ang pagahatag sang kalipay sa komunidad.
