Ginpatigayon sa Iloilo ang duha ka adlaw nga kick-off seminar nga may tema nga “Power in Action: The Authority and Limits of Local Government Units (LGUs)”, nga gintambungan sang pila ka mga alkalde sa banwa sang Capiz.
Sa interview sang Bombo Radyo kay Dumarao Capiz Mayor Atty. Mateo C. Hachuela, ginpahayag niya nga ang tinutuyo sang amo nga seminar amo ang pagpasangkad sang kapasidad sang mga local government unit sa pagdumala sang ila mga opisina, ilabi na sa pagresolbar sang mga isyu nga nagalakip sa mga empleyado sang banwahanan.
Suno kay Hachuela, ginhatagan sang imporstansya sa seminar ang husto nga pagpatuman sang mga polisiya may kaangtanan sa disiplina sa trabaho, lakip ang mga posible nga sanksyon kag penalidad para sa mga empleyado nga nagalapas sa mga kasuguan.
Highlights man programa ang mga diskusyon nahanungod sa strategic organizational engineering, merit-based leadership, digital HR innovations, workforce development, kag ethical governance.
