ROXAS CITY – Pila ka mga armas, mga bala kag iban pa nga kagamitan sang rebelde nga New Peoples Army (NPA) ang narekober sang mga suldado sa engkwentro sa Barangay Masaroy, Calinog, Iloilo.
Suno kay LTC Joel Benedict G. Batara, commanding officer sang 61st Infantry (Hunter) Battalion, samtang nagapatigayon sila sang combat operations sa lugar, ila nga naka-engkwentro ang pila ka mga indibidwal nga ginapatihan mga miyembro sang rebelde nga grupo.
Wala sang may napilasan sa tropa sang gobyerno kag indi naman masiguro sa bahin sang mga rebelde apang may isa ka miyembro sang rebelde nga grupo nga nadakpan ang mga suldado.
Ginpasiguro naman sang opisyal nga padayon nga magabantay kag magaprotehir ang mga suldado batuk sa rebelde nga grupo para sa kalinong kag seguridad sang pumuluyo.
