ROXAS CITY – Yara na sa kostodiya sang Criminal Investigation and Detection Group (CIDG-Capiz) ang 59-anyos nga ex convict nga nakuhaan sang mga armas kag bala sa gin-implementar nga search warrant operation sang kapulisan sa ila puluy-an sa banwa sang Panit-an.
Ginkilala ang arestado kay Berto Dario sang Barangay Bahit, Panit-an.
Ginpahayag ni Police Major Chris Artemius Devaras, hepe sang CIDG-Capiz nga duha ka semana nga ginpaidalum sa monitoring si Dario matapos nakabaton sang impormasyon nga nagapalupok ini sang armas sa tagsa ka mahubog.
Narekober sa posesyon ni Dario ang isa ka 12 gauge shotgun, magazine nga may 8 ka live ammo, .38 caliber revolver kag mga bala.
Natalana nga pasakaan sang panumbungon nga paglapas sa RA 10591 ukon Comprehensive Law on Firearmas and Ammunition Regulation Act si Berto. Samtang yara sa kostodiya sang Panit-an PNP ang mga armas kag bala nga nakuha sa suspek.
