-- ADVERTISEMENT --
Natalana nga ipaidalom sa ballistic examination sang Police Regional Office 6 ang mga armas nga gin-surrender sa idalom sang Project Restrict, Track and Turn-In ukon RTT 3389.
Sa interview sang Bombo Radyo kay Police Major Lailyn Sencil, spokesperson sang PRO-6, iya ginpahayag nga paga-usisaon ang mga armas agud mahibaluan kun nagamit ini sa mga krimen.
Suno kay Sencil, pagkatapos sang dokumentasyon, ipaidalom ini sa Regional Forensic Unit para sa test fire, samtang ang mga armas nga indi na mapuslan mahimo nga i-demilitarize.
Ginpahayag man sang natungdan nga paagi sa Project RTT 3389 nga amo ang kampanya ng Police Regional Office 6 (PRO-6) sa Western Visayas batok sa mga indi rehistrado nga armas luthang ukon loose firearms.
