Ipaidalom sa cross ballistic examination ang mga armas nga na-recover sa balay nga ginapanaguan sang suspek nga nagluthang-patay kayPolice Captain Rian Fuentes Ampoyos.
Si Ampoyos ang anay Platoon Leader sang 3rd Platoon, 1st Capiz Provincial Mobile Force Company.
Ini ang ginpatay sang sulod sang isa ka KTV Bar sa Barangay Binuntucan, Pontevedra, Capiz sang Hulyo 20, 2026.
Samtang ang suspek naman nga naaresto amo si Leonil Deocampo, 28-anyos, residente sang Barangay Bungsuan, Dumarao, Capiz.
Sa interview sang Bombo Radyo kay Police Lieutenant Col. Francisco Paguia, Acting Force Commander sang 1st Capiz Provincial Mobile Force Company, iya ginpahayag nga ang balay sa diin nadakpan si Deocampo ang ginapanag-iyahan ni Juvy Bagares sang Barangay Poblacion Ilawod, Pontevedra, Capiz.
(PONTEVEDRA MPS)
Suno kay Paguia, si Bagares ang subject sang ila warrant of arrest, apang sang nagpadulong sila sa bagay ni Bagares, nakit-an nila si Deocampo.
Ginpahayag sini nga ila hibaluon kun bala ang mga armas kag bala ang naga-match sa armas luthang nga gingamit sa pagpatay kay Ampoyos.
Nahibaluan nga nakuha sa balay nga ginapanaguan sang suspek ang nagkalain-lain nga mga armas kag bala nga ginalakipan sang 9mm Pistol, M16 Rifle, 38 Caliber Revolver, .45 Caliber Pistol kag isa ka fragmentation grenade.
