Nabudol na sang kilala nga ‘Labubu craze,’ ang pila ka mga artista kag wala nagpa-ulihi sa pagkolekta sang mga ini.
Mahibaluan nga ang Labubu isa ka character sa series nga The Monsters, kung sa diin ginkuha ang mga ini sa Nordic fairy tales kaangay sang mga duwende, fairies kag gadya.
May pila nga nagasiling nga nag-uso ang mga pop toys matapos nga gin-flex ni Blackpink member Lalisa ang iya mga collections kag accessories sini.
Nakadepende sa klase sang Labubu ang presyo sini apang sa official Popmart website nagasugod ang presyo sini sa ₱900 tubtob ₱51,000.
Pila sa mga artista nga nagsugod na nga magkolekta sini amu sanday Heart Evangelista kung sa diin masami nga makit-an ang iya Labubu item nga nakasab-it sa iya luxury bags, Marian Rivera kung sa diin ginbalandra ang iya pag-unbox sang collection sa TikTok, Ruffa Gutierrez
nga isa man ka Certified Labubu collector nga ginbida sa iya Instagram post, Vice Ganda nga makit-an naman nga ginahakos sini ang iya Labubu entry samtang yara sa TV show.
Pamatuod lamang ini nga wala sang ginapili nga edad ang pagiging toy collector kag healing the inner child ang atake.
