Mga atleta kag coaches sang Capiz nga nagdaog sang gold kag silver medals sa WVRAA, nakabaton na sang cash incentives

Capiz — Nakabaton na sang cash incentives halin sa Provincial Government of Capiz ang mga atleta kag coaches nga nakakuha sang gold kag silver medals sa nagligad nga Western Visayas Regional Athletic Association Meet (WVRAA), subong nga Martes, Oktubre 13, 2026.

Ang paghatag sang insentibo kabahin sang pagkilala sang probinsya sa mga atleta kag coaches nga nagrepresentar sa Capiz kag nag-angkon sang medalya sa amo nga kompetisyon.

Paagi sa nasambit nga insentibo, ginakilala ang pagpangabudlay kag dedikasyon sang mga atleta kag coaches sa ila pagpanghanda kag pagpakigkompetensya sa WVRAA.