Plano sang Philippine Navy nga i-deploy ang bag-o kag moderno nga warships sang pungsod sa West Philippine Sea kag Northern Luzon.
Suno kay Philippine Navy spokesperson for the West Philippine Sea Rear Admiral Roy Vincent Trinidad, ang pagdeploy sang mga naval assets sa Western kag Northern Luzon side sang Pilipinas agud nga mapabaskog ang maritime presence sang pungsod sa ginakabig nga strategic areas.
Ginsiling sini nga nalakip man ini sa Comprehensive Archipelagic Defense Concept (CADC) nga nagaserbe nga giya para sa Armed Forces of the Philippines.
Sa idalom sang CADC, gintugyanan ang militar sa pagbantay sa bug-os nga teritoryo sang Pilipinas, lakip na ang 200-nautical mile exclusive economic zone (EEZ) sini.
May yara naman sang unified commands nga responsable sa western kag northern seaboard sang pungsod – Western Command nga nakabase sa Palawan, kag Northern Luzon Command nga nakabase sa Tarlac.
Suno kay Trinidad, ang mga bag-o nga naval assets nga ginalauman nga idugang sa Philippine Fleet ang ginalauman nga makapabaskog sang presensya sang pungsod sa kasubong nga mga kadagatan, lakip na ang mga kadagatan nga yara pa sa idalum sang Philippine EEZ.
Subong nga Abril, duha ka guided-missiles ang ginalauman nga maga-abot sa Pilipinas halin sa South Korea.
Ini amo ang BRP Diego Silang (FFG-07) kag BRP Miguel Malvar (FFG-06) nga lunsay may ikasarang sa pagpakig-away sa duta, kontra sa submarino, kag kontra sa kahanginan.
