ROXAS CITY – Pormal na nga ginproklamar ang mga nagdaog para sa Philippine Councilors League (PCL) Capiz Chapter kasunod sang ginpatigayon nga eleksiyon sa Kapis Mansions sa Barangay Banica, Roxas City.
Nagdaog bilang President amo si Mitchelle John Patricio nga nakakuha sang 104 ka mga boto batuk kay Angela Joy Tupas nga nakakuha sang 62 ka mga boto.
Nakakuha naman sang 122 ka mga boto sa pagka-Vice President si Ferdinand Baguio nga wala sang nangin kasumpong.
Nalutos naman ni Chriselle Joy Diaz nga nakakuha sang 82 ka mga boto ang kasumpong sini sa pagka-Secretary General nga si Syvil Grace Dueñas nga may 81 ka mga boto.
Nagdaog naman sa pagka-Treasurer si Myrna Malecosio nga may 92 ka mga boto batuk kay Moreno Gonzaga nga may 72 ka mga boto.
Nakuha man ni Neriza Joy San Felix ang posisyon nga Auditor matapos nakakuha sang 80 ka mg boto batuk kay Maria Tonneth Moises nga may 74 ka mga boto.
Nalutos man ni Catherine San Antonio nga may 84 ka mga boto si Lalaine Young nga may yara lamang sang 46 ka mga boto agud makuha ang posisyon nga Business Manager.
Nagdaog man para sa posisyon nga Press Relation Officer (PRO) si Gilbert Derramas nga may 75 ka mga boto batuk kay Marben Cordero nga may 65 ka mga boto.
Samtang para naman sa Board of Directors, nangin madinalag-on sanday Nonato Daradar nga may 103 ka mga boto; Leila Mae Leonor nga may 103 ka mga boto; Steve Hijosa nga may 102 ka mga boto; Braulio Godfrey Asis nga may 91 ka mga boto; Regina Fancubila nga may 90 ka mga boto; Dave Rainier Basiliano nga may 85 ka mga boto; Nena Arches nga may 79 ka mga boto; Ma. Ivy Fundal nga may 79 ka mga boto.
