Maga-abot na sa pungsod subong nga Lunes, ang mga bangkay sang tatlo ka Overseas Filipino Workers (OFWs) nga napatay sa sunog sa Kuwait, suno sa Overseas Workers Welfare Administration (OWWA).
Mahibaluan nga ginmanduan ni OWWA Administrator Arnell Ignacio ang OWWA Kuwait Post nga padasigon ang kinahanglanon nga documentation, kalakip na ang letter of acceptance nagikan sa next of kin (NOK), agud masiguro ang maayo nga repatriation sang mga bangkay sang OFWs.
Subong man ang Regional Welfare Offices nga gilayon makig-angut sa pamilya sang mga napatay para sa kinahanglaon nga suporta kag bulig sang mga ini.
Ginsiguro man sang ahensya nga ginahatag nila ang mga kinahanglanon sang iban pa nga mga apektado nga OFWs kag sang ila tagsa ka mga pamilya matapos ang nasambit nga insidente.
