Ginmando sang Philippine Deposit Insurance Corporation sa tanan nga mga bangko nga ayuson ang ila nga ads hanungod sa mataas nga deposit insurance coverage.
Nakabase sa bag-o nga deposit insurance coverage ang ₱1 milyon per depositor kada bangko.
Suno sa Regulatory Issuance (RI) No. 2025-01, umpisa Hulyo 15, 2025, dapat gamiton sang mga bangko ang pahayag nga, “Deposits are insured by PDIC up to P1 Million per depositor,” sa tanan nila nga patalastas.
Kalakip na diri ang mga video, audio, print, digital, outdoor ads, kag mangin sa social media.
Nakalakip sa bag-o nga kasuguan ang pagbutang sang bag-o nga gin-design nga PDIC decals kag standees sa tanan nga bangko.
Ang mga materyales na ini libre nga ipanagtag sang PDIC.
Katuyuan sang amo nga tikang nga mag maglapad ang ihibalo sang publiko angut sa mataas nga deposit insurance coverage.
