Linibo ka mga pumuluyo, lakip na ang pila ka kilala nga mga personalidad sa showbiz, ang nagpakigbahin sa duha ka mayor nga hublag-protesta nga dungan nga ginhiwat sa Rizal Park, Manila kag sa EDSA People Power Monument bilang pamatok sa maanomaliya nag korapsyon sa flood control project.
Nahibaluan nga ang rally nga may tig-ulo nga “Baha sa Luneta: Aksyon na Laban sa Korapsyon” kag “Trillion Peso March” ang sabat sa mga report tuhoy sa indi maayo nga paggamit sang pundo sang publiko nga kuntani ipain para sa mga proyekto sa pagtapna sang baha.
Lakip sa mga artista nga nasiplatan sa protesta sanday Vice Ganda, Anne Curtis, Donny Pangilinan, Jasmine Curtis-Smith, Darren Espanto, Andrea Brillantes, Julia Barretto, Jodi Sta. Maria, Angel Aquino, kag iban pa.
Pila sa ila ang nagpaambit man sa social media sang ila panawagan para sa transparency kag accountability halin sa gobyerno
.
Suno sa mga organisador, umpisa pa lang ini sang mas malapad nga paghulag agud masiguro nga ang kwarta sang publiko ginagamit sang husto kag tampad—ilabi na nga nagapadayon ang grabe nga pagbaha sa nagkalain-lain nga bahin sang pungsod.
