ROXAS CITY – Wala na naga-upod sa Border Security Control ang mga barangay officials sa pagpatigayon sang checkpoint sa border nga sakup sang Barangay Lonoy kag Barangay Adlawan Roxas City.
Sa pagpadulong sang Bombo Radyo nakumpirmar nga nag-untat na sa pag-upod sa checkpoint ang mga barangay officials, barangay tanod kag barangay health workers sang Barangay Lonoy sa mga kapulisan sang siyudad sang Roxas.
Apang ginapahayag nga nabudlayan ang mga kapulisan sa checkpoint bangud wala ginbilin sang mga barangay officials ang thermal gun nga gina-usar sa pagtsekyar kun ginalagnat ang isa ka indibidwal nga nagasulod sa checkpoint.
Nakumpirmar man sang Bombo Radyo nga ang mga barangay officials lang sang Barangay Lonoy kag Barangay Adlawan ang nagbiya sa checkpoint apang ang iban ang nagapabilin pa ang presensya sa iban nga mga Border Security Control sang siyudad.
