PILAR, CAPIZ – Masobra isa ka dekada ang paghulat sang pila ka mga persona nga makaangkon sang duta, apang natuldukan na ang ila paghulat matapos nga gin hatagan na ini sila sang Certificate of Land Ownership Award (CLOA) sang Department of Agrarian Reform (DAR).
Nangin malipayon nga ginbaton ni Cerilo Doce sang Panit-an, Capiz ang iya sini CLOA bangud suno diri, dako nga bulig ang pag-angkon sang titulo sa duta sa ila pagpangabuhi.
Sa ginhiwat nga programa sang DAR nga ginpangunahan ni Sec. Bro. John R. Castrriciones, natigayon nga mahatag ang CLOA sang kapin 299 ka mga Agrarian Reform Beneficiares (ARB’s).
Ini ang mga banwa sang Pilar, President Roxas, Pontevedra, Panay, Panit-an, Maayon kag Tapaz.
Kapin 188 hectares ang nasambit nga duta nga ginapanag-iyahan sang pamilya ni Nemecio Tan.
Yari ang mga lugar kag numero sang ARB’s nga maswerte nakaangkon sang CLOA nagikan sa DAR:
Barangay Dulangan, Pilar – 74
Barangay San Esteban, Pilar -13
Barangay Culilang, President Roxas – 88
President Roxas – 55
Panay – 7
Pontevedra – 2
Panit-an – 31
Tapaz – 6
Maayon – 23
