ROXAS CITY – Ginapangita na sang mga benepisyaryo sang Social Amelioration Program (SAP) ang nakolekta nga kantidad sa gikan sa ginbuhin sang mga barangay officials sa nabaton nila nga ayuda sa Barangay Santa Cruz, Ivisan Capiz.
Ginpahayag ni Michael Olithao nga tubtob subong wala pa sang ihibalo ang mga benepisyaryo sang kun ginhatag gidman ni Punong Barangay Nicasio “Bobot” Muñoz sa mga wala nakabaton sang ayuda ang nakolekta gikan sa ila.
Suno diri nga wala man sang ginapaskil nga listahan ang mga barangay officials sa barangay hall sang mga ginhatagan sang nasambit nga kantidad.
Gindugang pa sini nga wala man sang may mapamangkutan ang mga benepisyaryo bangud magluwas nga wala nagapadulong sa barangay hall si Muñoz, wala man gasabat ang iban mga barangay officials kun usisaon ang mga ini.
Samtang ginpanindugan sini nga ginbuhinan sila sang mga barangay officials sang tag P1,000 gikan sa nabaton nga ayuda kabaliskaran sa ginapaguwa sang mga barangay officials nga lunsay kabutigan ang ginareklamo sang ini.
